حساب محيط الدائرة و مساحة القرص
حساب محيط الدائرة و مساحة القرص
درس اليوم غادي يكون في الرياضيات السادس ابتدائي واحد من بين اهم الدروس لي كاتطرح في الإمتحان و خص ضرورى تردوا معه البال، عنوان الدرس :الدائرة و القرص / حساب محيط الدائرة و مساحة القرص
على بركة الله
نعرفو أولا الفرق بين الدائرة و القرص اذن كيف كاتعرفو هاد جوج كايتساركو فواحد الحاجة لي هي الحجم او الشكل الدائري ديالهم و لكن راه الدائرة ماشي هي القرص!!!
الدائرة هي دورة فقط يعني فحال شدينا شي خيط و دورناه درنا به دائرة كايبقا الوسط ديالو خاوي و أي نقط فيه لا تنتمي الى الدائرة يعني النقط لي يمكن نقولو انها كاتنتمي الدائرة هي النقط لي كاينة فوق خط الدائرة يعني فوق داك الخيط لي شدينا و درناه على شكل دائرة
بالنسبة للدائرة كايكون فيها المركز كانرمزو ليه ب C و كايكون في الوسط يعني ديك النقطة فاش كانحطو البركار باش نرسموها ، و كاتكون كذلك من القطر D و لي هو الخط عرض الدائرة و كاين الشعاع r لي هو نصف القطر و كايشد من المركز حتى خط الدائرة
ندوزو للقرص هو كذلك شكل دائري و لكن هو كايكون عامر من الوسط فحال الغلاقة او الغطاء ديال شي قرعة يعني داكشي كولو قرص و أي نقطة كاينة فالداخل ديالو كانتمني ليه عكس الدائرة
الدائرة كانحسبو ليها المحيط حيث هي غير خيط طويل و شديناه دورناه بينما القرص كانحسبو ليه المساحة حيث هو دايرة بحال شي قطعة أرضية دائرية
كفاش نحسبو محيط الدائرة ؟ 🤔
كيف قلت الدائرة فيها القطر D لي هو ضروري باش نحسبو المحيط ديالها و كانزيدو كذلك واحد الثابتة سميتها p و كانرمزو ليه ب ¶ شي حاجة بحال هاكا (معنديش فتلفون) و لي كاتساوي 3,14
اذن محيط الدائرة يساوي القطر D مضروب 3,14 هاد العلاقة ضروري خصها تحفظ
ندوزو للقرص و كيف قلنا هو عندو المساحة و معندوش المحيط يعني خص نحسبو المساحة ديالو
اذن مساحة القرص كاتساوي الشعاع لي هو r مضروب فالشعاع يعني r أخرى مضروب ف 3,14
✅اذن العلاقة الأولى ديال محيط الدائرة
D × 3,14
✅العلاقة الثانية ديال مساحة القرص
r × r × 3,14
هادشي ضروري تعقلو عليه و تحفظوه حيث كايتحط بزاف في الامتحان
جميع دروس الرياضيات من إعداد الأستاذ أمين
اسم الملف جميع دروس الرياضيات من إعداد الأستاذ أمين
مدونة اسم المدونه
حجم الملف
إذا لم يتم تنزيله تلقائيًا ، فيرجى النقر على إعادة التنزيل. وإذا كان الرابط معطلاً ، فيرجى الإبلاغ عبر صفحة نموذج الاتصال في هذه المدونة.
ليست هناك تعليقات
ملحوظة: يمكن لأعضاء المدونة فقط إرسال تعليق.