"شرح الجذاذة بالدارجة"

"شرح الجذاذة بالدارجة"

أشناهي الجذاذة؟

لاش كاتلقيك؟

علاش مصدعين 😄😄😄 بها راسنا قبل أي حصة دراسية غانديروها؟

الجذاذة هي واحد تخطيط تربوي الهدف منها هو توضع واحد الخطة متقنة باش دير الدرس, بحال الا گلنا ف الحرب كادير خطة باش تغلب أو كرة القدم ..... مهم هي ف الأخير تخطيط, بطبيعة الحال ماشي أي تخطيط دونك عندو ضوابط, اذا من هاد الظوابط غانشوفوا لاش كاتلييق الجذاذة؟ كاتليق بكل بساطة باش دير درس أو مجموعة من الدورس لكن هاد الدرس ماشي عادي, زعما ماش توجد الدرس وتجي تخطب عليهم لا

لكن هاد الدرس فيه :

#مراحل الدرس اولا كبيرة أش فيها 1, 2 ..

#المضامين داكش لي غاتقري باختصار

#الاهداف ديال الدرس ( بحال خاص التلميذ يعرف انواع الخرائط أو الصخور... هادا مثال ديال هدف ديال الدرس). #الوسائل ( مثلا ف هاد الهدف ديال يعرف انواع الصخور, وسائل لي غاخصنو هما الصخور, ممكن نخدمو بالسبورة دونك نديروها تاهي ف الوسائل, غادي ندير ppt دونك ندير من تلوسائل data show... مهم ماخصكش تزگل شي حاجة بغيتي تخدم بها فالدرس ).

#الأنشطة ديال الدرس ( هاد كادير مثلا أش غادي دير نتا (استاذ😌) واش غاديرو هما التلامذ😄 نبقوا ف مثال ديال الصخور مثلا غا تگول: سيقدم الاستاذ العينات الصخرية للتلاميذ وسيقوم التلاميذ بتصنيفها حسب شكلها او مكوناتها. ).

#التقويم هادي كادير فيها

اختبار لداكشي لي قريتي ليهم واش فهموه 😃أو لا😒 مثلا ف مثال ديال الصخور دير ليهم تمرين ( اما فديك الساعة أو تالنهار الفرض) صل بسهم بين الصخرة والشكل المناسب لها؟ الا جوابو راه فهمو 😍😍😍 ماجوابوش 😞😞😞 خاصك تعواد ليهم.

#المدة الزمنية كل حاجة شحال خاصها ديال الوقت.

اذن فاش غاتگاد جذاذة غا خصك

الدرس لي غاتقري

الاهداف ديالو

الوسائل

الانشطة

والتقويم

والزمن.